Vəfat edən şəxsin pensiya kapitalının aqibəti necə olur?

İllərlə işləyib fərdi hesabın sığorta hissəsində kifayət qədər pensiya kapitalı toplanan vətəndaşlarımızın pensiya yaşına çatmadan dünyasını dəyişdiyi halda  həmin kapitaldan istifadə hansı halda mümkündür?

Bir çox hallarda vətəndaşları düşündürən məsələlərdən biri də qeyd olunan halda yaranan vəziyyət zamanı onların sosial sığorta vəsaitinin heç bir halda istifadə olunmayacağı ilə bağlı düşüncələrdir.

Qeyd edək ki, şəxs pensiya yaşına çatmadan dünyasını dəyişərsə onun 18 yaşınadək övladları varsa, həmin kapitala əsasən onların pensiya almaq hüququ var.

Nümunə:

Kişi vətəndaş 42 yaşında dünyasını dəyişdiyi zamana fərdi hesabının sığorta hissəsində 30000 pensiya kapitalı mövcud olmuşdur. Onun 11 yaşlı övladı pensiyasının məbləği 400 manat (30000:75) olmaqla həmin kapitalı ən azı 18 yaşınadək pensiya şəklində alacaq. Bundan sonrakı müddətdə əgər o əyani şəkildə təhsil müddətini davam edərsə, 23 yaşınadək həmin pensiyanı almaqda davam edəcək.