Çoxuşaqlı anaların erkən yaşda pensiya hüquqları

İnsanlar tərəfindən ən çox müraciət edilən məsələlərdən biri də çoxuşaqlı anaların hansı yaşda pensiyaya çıxacağı ilə bağlı suallardır.

Qanunvericiliyə müvafiq olaraq, 5 övladı olan qadınlar onlar üçün müəyyən olunmuş yaş həddindən 5 il erkən pensiya üçün müraciət etmək hüququ var.

Qadınların pensiya yaşı 30.06.2022-ci il tarixə kimi 62 yaş 6 ay olduğunu nəzərə alsaq, deməli həmin tarixə kimi bu sayda övladı olan qadınların 57 yaş 6 ay tamam olduğu dövrdən pensiya üçün müraciət edə bilər.

Hər uşağa görə pensiya yaşının 1 il azaldıldığını nəzərə alsaq, 6 uşaqlı analar 56 yaş 6 ayda , 7 uşaqlı analar müvafiq olaraq 55 yaş 6 ayda bu hüququ əldə edə bilərlər.

Qanunvericiliyin bu bəndinə əsasən staj və pensiya kapitalı şərtini ödəyənlər əmək pensiyası ilə şərtləri ödəməyənlər isə sosial müavinətlə təmin olunurlar.