Minimum pensiyanın artımı dəfn müavinətinin artmasına səbəb olur

Pensiya sistemində mövcud olan təminatların qarşılıqlı əlaqəsi, bəzi hallarda, onlardan birinin artımı baş verdiyi zaman digər təminatın məbləğinin artımına öz təsirini göstərməsilə nəticələnir.

“Əmək pensiyaları haqqında” qanunun 42-ci maddəsinə əsasən əmək pensiyaçısı vəfat etdikdə, onun ailəsinə pensiyaçının vəfatı tarixinə əmək pensiyasının minimum məbləğinin üç misli məbləğində dəfn üçün müavinət verilir.

Məlum olduğu kimi, 1 fevral 2023-cü il tarixindən pensiyaların minimum məbləği artırılaraq 280 manata çatdırılıb. Qeyd olunan tarixdən etibarən vəfat edən pensiyaçıların ailəsinə 840 manat məbləğində dəfn müavinəti ödənilir.