Əlil övladı olan ana neçə yaşda pensiyaya çıxa bilər?

Qanunvericilikdə nəzərdə tutulan güzəştlərdən biri də sağlamlıq imkanları məhdud uşağı 8 yaşınadək böyütmüş analara məxsusdur. Uşaqlıqdan əlilliyi təsdiq olunmuş şəxslərin anaları müəyyən edilmiş pensiya yaş həddindən 5 il erkən pensiya hüququna malikdir.

Hazırda qadınların pensiya yaş həddi 30.06.2021-ci il tarixədək 62 yaş nəzərdə tutulub. Deməli, bu kateqoriyadan olan vətəndaşların 57 yaşdan erkən pensiya hüququ var.

Qeyd olunan  yaş həddinə çatan qadınlar staj və pensiya kapitalı şərtini ödəyə bimədiyi halda həmin yaşdan sosial müavinətlə təmin edilirlər.