Hansı şəxslərə qulluq dövrü staj kimi qəbul edilir?

“Əmək pensiyaları haqqında” qanunun 21-ci maddəsində sığorta stajına daxil edilən iş müddətlərinin siyahısı öz əksini tapıb.

Məlum olduğu kimi, şəxsin əməkhaqqından tutulan sosial sığorta haqları hər ay üzrə ona staj kimi qəbul olunur.

Bəs sosial sığorta haqqı ödəmədən staj toplamaq mümkündürmü?

Qanunvericilik bəzi hallarda buna da imkan yaradıb. Belə ki,  sağlamlıq imkanları məhdud uşağa, 1-ci qrupa əlilliyi olan şəxsə və ya 70  yaşdan yuxarı ahıl şəxsə qulluq dövrü staj kimi qəbul olunur. Müvafiq normativ aktlara uyğunluğu gələcəyi təqdirdə və yuxarıda qeyd olunan şəxlərə qulluq fəaliyyəti şəxsin əmək fəaliyyətini məhdudlaşdırırsa, həmin dövrlər ona staj kimi qəbul edilə bilər.